Wednesday, May 23, 2007

വിഡ്ഢികള്‍ ആക്കിയ കണിക്കൊന്ന

കണിക്കൊന്ന. മലയാളികളുടെ മനസ്സിനെ മദിക്കുന്ന പൂവ്‌. വിഷുക്കാലത്ത്‌ ഒഴിച്ചുകൂടാന്‍ പറ്റാത്ത ഇനം. ഇപ്രാവശ്യം വിഷുക്കാലത്ത്‌ ഡെല്‍ഹി മലയാളികള്‍ക്ക്‌ ശരിക്കും പറഞ്ഞാല്‍ കണികാണാന്‍ പോലും കൊന്നപ്പൂ കിട്ടിയില്ല. ഇപ്പോഴിതാ എവിടെത്തിരിഞ്ഞൊന്നു നോക്കിയാലും അവിടെല്ലാം പൂത്ത കൊന്നമരങ്ങള്‍ മാത്രം. എല്ലാ മലയാളികളെയും വിഡ്ഢികള്‍ ആക്കിക്കൊണ്ടുള്ള ഒരു ചിരിയും ചിരിച്ചു കൊണ്ട്‌ ഡെല്‍ഹിയുടെ തെരുവോരങ്ങളില്‍ പൂത്ത്‌ നിറഞ്ഞു നില്‍ക്കുന്നു കൊന്നമരങ്ങള്‍.

വിഷു സമയത്ത്‌ കൊന്ന മരങ്ങള്‍ നിറഞ്ഞു നില്‍ക്കുന്ന കന്റോണ്‍മന്റ്‌ ഏരിയായിലും മറ്റും വളരെ ദൂരത്തു നിന്നുപോലും ആള്‍ക്കാര്‍ കൊന്നപ്പൂവിനായി അന്വേഷിച്ചെത്തി നിരാശരായി മടങ്ങി.

കഴിഞ്ഞ വര്‍ഷം മെയില്‍ ആദ്യമായി നഗരത്തില്‍ എത്തിയപ്പോള്‍ എങ്ങും പൂത്തുലഞ്ഞ്‌ നിന്നിരുന്ന കൊന്നമരങ്ങള്‍ കണ്ട്‌ മനസ്സാകെ നിറഞ്ഞിരുന്നു.ഇവിടെ വിഷു ഒരുക്കാന്‍ ഒരു പ്രയാസവും ഇല്ലല്ലോന്ന് മനസ്സില്‍ കരുതുകയും ചെയ്തിരുന്നു. ലക്ഷണം കണ്ടിട്ട്‌ കഴിഞ്ഞ വര്‍ഷവും ഇതു തന്നെ ആയിരുന്നു അവസ്ഥ എന്ന് തോന്നുന്നു.

1 comment:

പ്രിയംവദ said...

കുറച്ചു പറിച്ചു ഫ്രീസറില്‍ വയ്ക്കു മാന്യ തിലകമെ...അടുത്ത കൊല്ലം നമുക്കു കൊന്നയെ വിഡ്ഡിയാക്കാം
qw_er_ty